KREATIV SOMMARSKULE
Er du mellom 10 år og 15 år og interessert i musikk eller visuell kunst?
Bli med på Festspillene og BIT20 Ensemble si kreative sommarskule i Fana Kulturhus. Over ei veke skal me eksperimentera og utfordra vår eige kreativitet. Alt me lagar skal utviklast saman og skapast frå botn.
Korleis kan lyd settast saman til eit musikalsk uttrykk? Korleis kan me skapa visuelle kunstuttrykk som bilete og skulpturar med ulike materialar og objekt? På denne sommarskulen skal me leka med lyd- og kunstuttrykk du kanskje ikkje kjennar frå før.
Om du syng, speler instrument, er interessert i musikkteknologi eller er fascinert av visuell kunst, kan dette vera noko for deg.
Me deler oss i tre grupper med 8 deltakarar i kvar. I påmeldingsskjemaet rangerer du kva gruppe du ynskjer å vera med i.
gruppeleiar
Håkon Skjæret
Instrument- og vokalgruppe (full)
For deg som syng eller spelar eit instrument (Obs. Ta med eige instrument)
Me eksperimenterer med nye måtar å skapa lyd på, og kombinera desse
På denne gruppa må du ha noko kunnskap i å spela instrument eller stemmebruk
Gruppeleiar yngvill hopen
Visuell gruppe
Me lærer å tenke kreativt og fortella historiar uten ord
Me lærar om form, farge og komposisjon, og korleis me vert påverka av det me ser rundt oss
Turdag for å samla materialar og fotografera
Ingen forkunnskapar er nødvendig
Gruppeleiar Trond Madsen
Musikkteknologisk gruppe
Me lærer å bruka digitale verktøy for lydopptak, miksing, komponering og arrangering
Med utgangspunkt i appen BITWaves gjer me opptak av lydar og manipulerer dei til eit heilhetleg kunstuttrykk
Me lærer korleis me kan kopla musikkanlegg og bruka mikrofoner til kreativt lydarbeid
Sommarskulen stillar med iPads og hodetelefonar
Ingen forkunnskapar er nødvendig
Bli kjent med og last ned appen BITWaves her: BITWaves
Alle gruppene vil ha fokus på kreativitet, eksperimentelt uttrykk og samskaping.
Sommarskulen serverer eit enkelt brødmåltid til lunsj kvar dag.
Stad: Fana Kulturhus
Når: 29. juni - 3. juli
Klokkeslett: 10.00 - 15.00
Framsyning: 14.00
Me ynskjer familie og vener velkomen til framsyning på Fana kulturhus 3. juli klokka 14.00. Visninga er gratis og varer i underkant av ein time.
Kurset er for deg fødd mellom 2011–2016
Du må kunne stilla alle fem dagar
Du kan jobba både sjølvstendig og i gruppe
Deltakaravgift: kr. 459,-*
*Barn frå familiar med økonomiske utfordringar kan delta utan å betala deltakaravgift.
Kontakt hakon@bit20.no for å høyra om friplass eller viss du har andre spørsmål.
